17M

見到木木媽那篇詳盡而清晰的成長日誌，我都要效法一下，因為有時寫完發現好多細節都漏左  :]。

身高體重
體重︰不詳
身高︰82cm (我自己用拉尺度可能唔準:P)
牙齒︰16隻，只剩4隻最入的大牙未出，其餘都齊晒。

飲食習慣
這個月轉了時間表：

舊：

大約7:30-8:00  第1餐7安奶

大約12:00-12:30  第2餐飯仔

大約4:00-4:30  第3餐飯仔

大約7:30-8:00  大人食飯痴少少

大約9:00   第4餐  7安奶

因為晚飯時痴了大人東東，所以最後一餐奶越飲越扭、越飲越少，99越餵越火，於是我決定幫佢轉：

大約7:30-8:00  第1餐7安奶

大約12:00-12:30  第2餐飯仔

大約4:00-4:30  第3餐4安奶+麵包、蕃薯等小食

大約7:30-8:00  第4餐飯仔

他基本上兩餐固體跟大人同枱食，而且戒左最後一餐奶，成件事輕鬆晒:]。不過這個小朋友對食興趣一般般，開始自己食個多月，進展一般，都願意自己食，但不太流暢，有時又扭下唔肯食，而最大問題是不肯著飯衫>.< 唯有叫99俾D舊衫佢著來食飯。

最愛食物：芝士、飯、麵包、菜芯、豬肉、香蕉、橙、蕃薯、豆角、飲湯。

遺傳了媽媽「無湯不歡」，99一向晚晚煲湯，現在落調味前畢起一碗俾佢，佢咩湯都要最少飲大半碗，食飯不肯著飯衫，飲湯又肯喎，無奈!?!

不愛粉麵，一放入口即吐，真的好麻煩。有12月媽媽笑佢份人「老餅」，鍾意食D「傳統野」。

為左他那餐下午茶小食，媽媽現在很勤力開動P仔麵包機和焗爐，不過在職媽放工後有時真的無咁多時間，最近睇中部V仔夾餅機，好想入手，但拖火牛是最大考慮……

另外，他亦成功戒了奶樽，奶煲要退役了，由以前每日蒸幾次到每日兩次到每晚一次到收山，十萬個不捨得，不捨得是我。我一邊渴望兒子長大，卻一邊捨不得他長大……

 500日大，跟爸爸媽媽一齊去食BUFFET，不過有得睇無得食，因為我們外出一定幫他帶飯，不想他太快食太多「街食」。

生活習慣

·                   臨睡前清水刷牙

·                   食飯前/回家後洗手

·                   爸爸媽媽爺爺麻麻入屋會叫人，通常叫「媽咪」最積極

·                   爸爸爺爺麻麻出門口會「拜拜」，因為分離焦慮開始，我出門口返工成日都喊>.<

·                   很愛乾淨，地下有頭髮細粒紙碎垃圾豆類全部逃不過他的法眼，一定要執起俾我，所以我教他放垃圾箱。食飯最怕有飯粒黏手黏面黏衣服，一定要處理左才肯再食，但卻不肯著飯衫……

·                   只愛著波鞋，不愛著涼鞋、便鞋……

·                   不愛戴帽，明既，由細到大都無俾佢戴慣，但我有時想佢多D造型變化呀!

·                   最令媽媽有點擔心還是他的「便便問題」，每日仍是2-4次不等，一直都令我困擾，是太多嗎﹖其他BB有這種情況嗎﹖

分離焦慮症
這個月分離焦慮症開始，初初唔識這個TERM，以為佢「痴媽症」：

·                   我出門口會喊

·                   越來越怕陌生人

·                   我沖涼都狂喊，如果99在我家陪住佢都仲好D，如果得爸爸同佢，一定喊到顛，我在浴室甚至懷疑爸爸在虐兒:P

知道這是大部分小朋友成長必經階段，所以都以觀察和協助他建立「安全感」為主，不過有個專業的朋友提我，留意是否日常非常缺乏「安全感」，令他如此快開始分離焦慮，因為大部分小朋友由1.5-2歲開始。我有細想，不過屋企4個人照顧他1個，有時我還怕太照顧他，所以不得要領，會慢慢幫他建立「安全感」。

大小肌活動能力

·                   跑得好穩好快，跳就一時時，有時單腳可離地，爬高爬低都好本事，睇少眼都唔得。有一晚因為玩鐵閘，腳趾俾鐵閘拉出一道很深的血痕……從此以後，等開鐵閘一定靠牆站好，不敢走近鐵閘。

·                   鍾意踢波，鍾意拋波，但未係踢得好好，而拋波就一定向後拋。

·                   唔鍾意人抱，一定要自己行，其實由細細個已經唔鍾意人抱，無理由無「安全感」呀。坐BB車出街開始多左扭落地，想自己行。

·                   忽然鍾意自轉，會自己按音樂，然後瘋狂自轉，好似唔暈咁……

·                   古古怪怪會無端端趷起腳行路。

·                   手仔好似唔算好靈活，食飯送匙入口尚算可以，但用匙畢飯畢餸仲未得，同事介紹有隻碗和匙設計係一定得，睇黎要買來試試。

·                   自從見過爺爺用螺絲批扭螺絲，佢就成日拎住D筆狀物體放入D玩具螺絲位扭呀扭。

·                   HEAD、EYE、NOSE、CHEEK、EAR、MOUTH、TUMMY、KNEE和FEET都可以指到。

他鍾意球類多過車，對車無咩好感，但球類就好鍾意。

又去珀麗灣，不過大個仔，只愛沙，不愛落水。

語言能力
仍然好肯講野，好多詞語聽一次已經可以重複，而這個月更會不斷吱吱喳喳同你講野，以為你會聽得明，有好幾次他對我們不斷講，當然我們聽不明他的外星話，他居然好憫憎，以憤怒的眼神望著我們怪我們做不到他的要求，好好笑。又有一次，爸爸作弄佢指住張餐椅破爛的COVER話佢整爛，而事實當然係佢整爛，爸爸扮很生氣並且話要講俾麻麻知，他居然好驚，開始喊，一邊喊一邊不斷「講野」，我在旁估計佢應該想話俾爸爸知「唔關佢事，唔好話俾麻麻知」，場面相當好笑。

已經會講：電燈、貓、無、DADDY、MOMMY、地鐵、芝士、媽咪、KITTY、姐姐、BABY、SORRY、爸爸、爺爺、麻麻、公公、婆婆、EE、列車、地鐵、BEAR BEAR、無呀、唔好、跳、JUMP、B、C、S、T、AIDAN、芊芊、HAYLEY、芷妤、包、龍貓、花、搭船、謝謝、鎖匙、樹。

今個月新學識：FLOWER、O、轉、PIZZA、雞蛋、開始、佑佑、MICKEY、THANK YOU、EYE、TUMMY。他也開始學跟3音節字：FAMILY。

特別喜歡9字，可以認出：