All Bran 誠意推介

即係咁，我講過我腸胃一向很差，所以有左LITTLE L後更困擾，試過不同的食物都不太理想。

上完楊震社會服務處的產前班，有一堂營養課，營養師推介ALL BRAN給大家，我於是買來試試。不過也不是容易買，細百佳好像只有一款，不是這個原味，要去大百佳才有。



這個ALL BRAN纖維很高，食45g已經是一天所需纖維的一半，超勁，食左幾日，真係日日去到廁左，好掂，感覺好健康。

不過，有益的東東往往很難吃，這個原味ALL BRAN，實在有點......哈哈。你們可以選擇其他好味的，不過，纖維又好似無咁高囉!

BB Organic Product – Natures Purest 2

上篇(BB Organic Product – Natures Purest 1)提及，因為Natures Purest的Bedding set價錢相當相當貴，所以上網買給Little L，中間發生了小插曲，總算攪掂。

 上次去完Sogo BB展後，Mama發揮網購精神，不斷search，發現外國網站賣Natures Purest賣得平D(香港的鋪租真係好貴囉)，不過，運費又係另一大問題，因為成套BB床上用品都好大件好重。在不斷努力下(真的好努力，哈哈)，首先發現了幫人係Amazon 團購的Aki媽媽，佢之前幫人以低價在Amazon團購了十幾套回來，見BLOGGER分享，當時未計運費好似$9xx，運費就share，但不清楚多少。Aki媽媽賣剩一套，我立刻跟她聯絡，結果$1500成交左，比counter平$1000，已經好開心。

好友P說一套唔夠，因為要替換，所以Mama繼續努力，日日睇睇睇，原來英國BB網站唔係咁多賣Natures Purest(可能我搵唔到)，反而澳洲網站好多，不過澳洲網站加埋運費，跟香港Counter一樣，無咩用，還是集中在英國的網站，經過一輪searching後，覺得以下兩間英國網站比較抵：

 Bebeco：成日都有9折，英國本土免運費，但送外國要send email問運費：http://www.bebeco.co.uk/natures-purest-hug-me-4-piece-bedding-set-2087-p.asp

 Natural Baby Shower：價錢同Bebeco差不多，有時同佢折完的價錢一樣，有時就貴少少，英國本土免運費，送外國可以扣稅，運費即時顯示：http://www.naturalbabyshower.co.uk/natures-purest-bedding-set-sleepy-safari.html

 剛好有朋友會在英國回來，本來托她帶回來可以省下運費，不過珠生說太麻煩別人，因為真係幾大件下，而計下如果係Natural Baby Shower買，扣稅加運費，同係英國帶回來，只差$2xx，加埋都係$14xx，平過香港，本來都準備買架啦，而且仲想買多幾件鞋仔和衫仔，反正運費都係度。

 不過，在正準備入手之際，居然俾我在eBay見到一套以超低價放售(事實證明我真的好努力不斷睇)，不過寫住New with defects，根據賣家所講，只是Package may have been opened，價錢真係太抵，我於是bid了回來。賣家本來不願意送外國，但eBay有個International Shipping Prgramme，類似樂天Tenso的轉運，轉運比起直接運香港的運費居然仲平少少。

 上星期六送到我家，我本身有一套，收到後立刻拆開來檢查，點知寫明一套4件的Bedding set，居然得番兩件﹖不見了兩張Fitted sheets(其實好彩不見了床單，而不是床圍或被仔，這兩件較貴)。我立刻聯絡賣家，他說並不知情(不知真定假)，但願意退款，起初話退US$20，我要求US$35，因為我買過都唔只這個價。加上始終大件有重量，也因為套Natures Purest價錢太低，更顯運費貴(運費而家貴過件貨，無奈!!)，如果只有兩件，我又何必付那麼貴的運費呢﹖結果他答應退回US$35。他退款，我就在Natural Baby Shower訂回Fitted sheet，八月托朋友帶回來，還有其他東東(另篇再談)。這套這樣分開買，加加埋埋連運費只是$9xx，雖然麻煩d，但真係超級抵!!!

 可惜，這套是同Aki媽媽買的那一套Hug Me Bear一模一樣，我其實想要另一款長頸鹿的，不過要平就無得選擇了。如果有Mom-to-be想要Bear，可以同我交換呀!

 

香港counter 原價$2450，而家Mama買了兩套回來，加埋就剛好是香港一套的價錢，Little L快d讚Mama叻啦!!

玻璃曲奇(附食譜)

心血來潮想整玻璃曲奇，參考了網上的食譜，原來很容易，材料簡單，家裡都有齊，所以今晚動手整。

低筋麵粉200g

糖粉45g(一般食譜是60g，但我家剛巧只剩45g，而且中間有Fox’s 糖，我怕甜，自己減了，幸好味道OK)

雞蛋1隻

牛油100g(我用有鹽牛油，所以不用再放鹽，如果用無鹽牛油，應該放2g鹽，個人認為用無鹽牛油理想d)

FOX’S糖10-20糖

1.      在室溫放軟牛油，但不要等到出油。

2.      分3次加入糖粉(及鹽)用打蛋器打至軟滑狀。(如果想有口感，可以嘗試不要打得太耐)

3.      慢慢加入雞蛋再慢打(減度數)，令蛋汁與牛油糊結合。

4.      篩入低筋麵粉，可分3次，慢慢伴勻。

5.      搓成粉團放入保鮮袋或包上保鮮紙放入雪櫃約1小時。(我放冰箱，但發覺不理想。)

6.      有一定硬度可以開始印模。(這種天氣，整印模曲奇真係很麻煩，一定要開冷氣，手腳又要快。)

7.      先印大星星，不要脫模，同時印埋小星星，放在不黏布上才脫模，否則好易爛。

8.      在印模的同時，焗爐預熱，180度10分鐘。(視乎大家的焗爐火力)

9.      星星曲奇先焗10-12分鐘至6-7成熟。(又係要視乎大家的焗爐火力)

10.  在每一個星星中間放FOX’S糖，因為FOX’S糖好大粒，可以用刀背壓碎。(建議先壓碎才脫包裝紙，否則周圍都係。如果要混色，可以放不同色糖碎。)

11.  再放入焗爐約8-10分鐘，我會小心睇住，如果糖唔夠，中間會穿洞，故可以補FOX’S 糖；如果太熱又會起泡泡。(小心不要放太多，因為過多會在底部漏出!)

12.  出爐後等曲奇涼透及FOX’S糖重新凝固就OK了。

BB Organic Product – Natures Purest 1

這篇講Natures Purest，原本是先講床上用品的，不過發生小小意外，所以先講今日的收穫。

之前已見Blogger Ball Ball and Cherry介紹Natures Purest，這是英國有機BB產品。在SOGO BB 展同一天，我們在6/F Counter摸了Natures Purest的Organic東東，立刻中毒，好軟，好舒服。可惜，價錢相當相當貴，一套床上4件套裝是$2450 (當年我結婚那套龍鳳被套裝都係買最最最平的，價錢幾百，自己唔捨得，但又好想買好野俾Little L)，COUNTER價錢太貴，所以上網訂了兩套，發生小意外，未SHARE住，另篇再談。
今日聽完雅培講座，吃完飯跟珠生入去永安行下，以為睇下野無咩事，點知......就出事了，因為又見到Natures Purest Counter......

不知何故，聽說甚少折扣的他們，居然3件85折，跟BB展一樣價錢，那我不用去BB展了。SALES姐姐好好人，在場有對自由行夫婦，佢都無話唔理我們，反而好熱心，哈哈。

本來99已經同我講左，不要買BB衫，因為姑仔的仔已大個，有大量衣服提供，而我覺得LITTLE L著二手衫都無咩問題，不過經好朋友P提醒，點都應該有D打底自己買下，加上我唔係咁鍾意姑仔那些淘寶的打底......最底那層還是自己買吧!買了4組長袖和尚袍，應該夠吧!

其實，我正打算在外國網站訂東東，因有朋友係英國回來(另篇再談)，不過網站有很多東東都沒有售，所以今天全部買的都是網站沒有的。

CAR SEAT SET，聽說很好用，LITTLE L連車都未有，就有CAR SEAT SET了。最後為了永安張$100 COUPON，買左兩對手套，最唔抵係佢，太太太普通了，但無其他選擇，而我又堅持不會買毛毛公仔、玩具俾LITTLE L，所以只好買下。

最後，做埋VIP.....好彩送左一套BEAR帽仔和手套仔，下面白色那套(永安COUNTER不用$1500，$1200就有得送，價值$188)，仲有兩支鉛筆(留俾LITTLE L讀書用，呵呵)，叫做安慰下自己......我而家係VIP，如果你去COUNTER買野，唔該幫我儲下分......

睇完COUNTER的價錢和SIZE，回家立刻上網訂，希望貨品順順利利到達。


至於我自己，係101 COUNTER買左兩條褲和托腹帶，開始覺得個肚大，我的褲子穿不下了，嗚嗚~~~ 我又不鍾意著裙，天氣熱，無論著LEGGING或不著，都很不舒服，所以想著褲，珠生話我要買野俾自己，不能只買給LITTLE L......

High Tea @ Lion Rock

說了不特別追求HIGH TEA生活，但相約朋友還是會選擇HIGH TEA，因為氣氛和環境都適合。

今天約了很久不見的TRACY，剛好前幾天看到報紙介紹帝京的LION ROCK新推出ALL DAY Afternoon Tea，於是訂位試試。



被安排了最好的窗口位置，很好啊! 不過可能是酒吧，入面的音樂很吵，人聲也吵，這個不太理想。

有IPAD菜單啊! 本來想試試黑松露、中式或和風TEA SET，但兩人都不是太餓，所以只點了一個最普通的輕量HIGH TEA SET。

最上層：榛子忌廉千層酥，這個很好吃，可能我本身鍾意千層酥；鬆餅，趁熱吃還OK；洋葱煙肉撻，這個是鹹的，所以也OK，哈哈。

第二層：白朱古力芝士蛋糕，甜得有點過分，只吃了兩口；士多啤梨撻，算OK，沒有特別。

第三層：蝦和帶子撻，味道有點淡；煙三文魚包，味道OK；焦糕燉蛋，不說也猜到很甜，不過焦糖味很濃，所以還是吃了大部分；鵝肝醬麥包，很大塊鵝肝，吃起來不錯，不算很腥。

我們醉翁之意不在酒，所以食物的介紹都是OK之類，哈哈，談東談西，又過了差不多兩小時，希望下次再聚。

以每人埋單不過$13X來說，這個價錢很抵，如果追求食物味道，可以點其他幾個SET試試。

BB Organic Product – H&M

打尖文，因為今日去左H&M，見到原來都有ORGANIC BB 衫。

本來想去H&M睇下媽媽LEGGINGS和幫珠生買禮物給他的朋友，發現原來H&M有少少ORGANIC產品。

好耐之前見柏芝細仔出世，有件2010年的衫仔，其實我都想買類似的東東，不過唔勉強，見到就買，今日係H&M見到2013襪仔，係ORGANIC COTTON BLEND，襪仔好得意，好鍾意，LITTLE L冬天出世要著襪，哈哈。順手幫珠生朋友的女女買PACK女仔版的，今年BB出世的朋友可以去睇下，ORGANIC COTTON BLEND 款仲有好幾件可選擇。

再行左一陣，發現有個角落賣的衫無特價，大部分都係ORGANIC COTTON，不過跟襪仔一樣不是全ORGANIC ，而且會標明幾多%ORGANIC COTTON，我都唔知原來可以係咁，再幫珠生買左件BB衫仔俾佢朋友，好得意啊! 而且，這幾件產品全部都唔係MADE IN CHINA，以這個價錢，算抵!

BB Organic Product – BabyMio

平時聽到Organic產品，一般都好少買，一來覺得價錢貴，二來覺得效能係比較弱，因為Organic呀，哈哈。不過，一聽到BB Organic產品，我就完全投降，最近就不斷在為Little L選購有機產品 (雙重標準)。

話說六月時CWB SOGO有BB展，我們無聊，走了去看看，在Sogo正價的6/F行了一會，之後上21/F 的BB展，價錢係比平時平少少，但唔算好吸引。只有BabyMio的小小counter吸引我們，因為剛剛在6/F 摸了Natures Purest的Organic東東，已經迷住了。

 BabyMio係土耳其有機BB產品，摸上手的感覺跟Natures Purest一樣，好軟，質感好好。我不知道是否所有Organic產品都是這樣。我們最後買了一張包被和一個睡袋，有我最愛的羊仔，好可愛呀!價錢是正價7折，折完跟其他品牌差不多，我覺得ok。本來想買埋個羊仔枕頭，因為好得意，不過sales姨姨話BB無咁快要枕頭，回家試左先再買(佢以退為進，令我們乖乖買了兩件東東，哈哈)。

回家上網search了一會，BabyMio有不同產品，可惜在香港沒有賣床上用品，否則應該會平過Natures Purest少少。下一篇寫Natures Purest。