多謝Pizza Express的有獎活動，讓我們得到兩張免費新加坡機票，Baba自行用Asia miles換一張，三人成行感受一個熱辣辣的聖誕。
第一天：機場 > 酒店 > 文華酒店Chatterbox 海南雞飯
很Hea的行程，機場買了電話卡，然後乘車到酒店，因為今次機票免費，所以選了一間比較貴的酒店，房間要係Pool side的，即係唔駛搭lift可以去到泳池:p。
放低行李，立刻到泳池玩一會。可能住客唔多，好少泳客，房間很大，有廳有房，廳有個門直達酒店泳池，係真心幾方便的。
夜晚去咗文華酒店Chatterbox食海南雞飯，服務和食物都令人失望。
食完後慢慢行回酒店，大街上有許多賣藝表演，Little L出奇地看得出神，我們坐下來欣賞了一會。
。
第二天：LEGOLAND > Newton Food Centre
第二天行程是包車去LEGOLAND，因為房價唔平，包早餐係房間食，當那份二人早餐送到房間來時，真的嚇一跳，三個人吃都覺得太多了。
去LEGOLAND最痛苦是塞車和過關，海關人員手腳慢，真係幾痛苦。Little L去到LEGOLAND是超級開心，我自己都幾鍾意LEGOLAND，佈置仔細，人又唔算太多，就係蒼蠅比較多。
玩完返新加坡，又係大塞車，短短車程用咗個幾鐘，悶。
司機車我們去Newton Food Centre，晚飯就品嚐新加坡的大排檔風味。
第三天：Garden by the Bays > 松發肉骨茶
一早又在房間食早餐，今天一份西式一份中式早餐，同樣豐富。
夜晚想吃松發肉骨茶，心想除夕夜只怕周圍都難搵位吃飯，酒店不遠有家松發肉骨茶，即管早一點出發去試試，意外地沒有太多人，可以好快安排入座。
回到酒店見到除夕慶祝活動，類似酒會那樣，但要付費而且我們吃飽了所以回房間，十二點則可以一齊出來倒數，Little L未試過，一直捱住眼瞓等倒數，還拿了幾個氫氣球回房間。
第四天：酒店 > Pizza Express > 機場
最後一天，沒有節目，昨晚夜瞓，今朝晏起，吃了一個豐富早餐，又去泳池玩，再享受這個Pool side 房間。
去機場前，當然要去Pizza Express 打卡啦，畢竟沒有Pizza Express就不會有今次的新加坡之旅，吃完東西，順道在附近買手信，然後收拾行李往機場了。
