蜂蜜海棉蛋糕

睇了食譜不難整，而且材料簡單，所以整來做早餐。

睇過不同人的食譜，試左幾次先搵到比較合適的做法，味道還可以，不過蜂蜜味唔夠出，唔知點解。

6寸SIZE/ 4個LC 飛心盅

材料：雞蛋2隻

 牛奶90G (我覺得用北海道牛奶好似好味D)

 砂糖40G

 低筋粉125G

 牛油50G

 發粉4G

 蜜糖3茶匙

 如喜歡可以預備提子乾和紅梅乾小量



1. 雞蛋2隻與砂糖用打蛋器，直到混和。

2. 牛油先在熱水座熔，與蜜糖一起加入(1)，再打至混和。

3. 低筋粉和發粉一起過篩，篩入(2)，輕力攪拌。

4. 最後加入牛奶，起初你會覺得牛奶好多好濕，但慢慢輕力攪拌，牛奶

會被逐漸吸收。

5. 如果想加提子乾和紅梅乾，可於此時一併攪伴。

6. 最後好似糊狀，可以倒入蛋糕模，或者4個LC 飛心盅都OK。

7. 焗爐預熱190度20分鐘，之後蛋糕可入焗爐30分鐘。(每人家中焗爐火

力不同，要試。蛋糕出來後用牙籤篤入去，沒有東西黏住即可。)

Carter's 開倉

多謝澄的介紹，讓我認識NATURES PUREST以外的另一牌子，CARTER's，很多MAMA推介，因為質量好，價錢也很合理，不像NATURES PUREST那麼貴......

FACEBOOK LIKE了一個成日開倉CARTER'S的PAGE，不過次次睇完都無左件事，咁又係，又唔係LE CREUSET......(我無去LE CREUSET，只是得個恨字.......)

之前99一直話有舊衫俾LITTLE L，所以我買BB衫好克制，加上男仔的衫仔真係唔靚，不是間條就是淨色，次次睇完男仔衫就去左睇女仔衫，睇完就空手走出來，一直無咩收穫。直到最近，99說不要LITTLE L着舊衫，叫我自己買過一些新的，這才令我記住要去CARTER'S開倉，因為BB大得快，着了一陣不合身，所以不想買太貴。

CARTER'S 開倉在葵芳，哈哈，我可以步行10分鐘過去，所以成功騙到珠生一起去，否則他不會答應去開倉這些人迫的地方。

結果，我覺得很恐怖，在一棟工廠大廈一個小型單位，很多人聞風而至，環境相當擠迫，排了一陣隊，入到去，根本連轉身的機會都無，也很混亂。珠生很小心的保護我，因為人實在太多。人多，因為價錢平，而且CARTER'S的質料的確不錯，在人堆中，無思考餘地，是但搶了7件順眼的衫仔，珠生一手掃了7條口水肩......價錢的確好抵，不過珠生話無下次! OKOK，反正衣服應該夠吧，當然不會再有下次，嘻嘻!

LE CREUSET 粉紅控?

其實我真係鍾意紫色多D，不過剛好買的和別人送的LC全部都是粉紅色，有趣。

買了LC，也開始想好好利用，其實也是一件好事，自己煮多了，健康一些，而且不用成日去99處「痴餐」。

嘗試了窩蛋免治牛肉飯，食譜都是跟BLOOGER的，不打出來了。加上滑滑的瑤柱蒸水蛋，很好味呢!

早餐最愛蕃茄湯通粉，再配全麥包，而家開始用兩個大蕃茄做湯底，完全不用清雞湯，味道當然無咁好，不過慢慢都習慣左，健康D。

BB Organic Product – Natures Purest 3

講Natures Purest講極都唔完，可能太愛了，講埋這篇應該講完吧!

上篇談及朋友從英國回來，其實嚴格來說並不是我朋友，只是妹妹的朋友，所以中間過程有點點的不愉快，因為也實在買得多了一點，被妹妹話了幾句，算吧，過了去便不提了。而且，全部都沒有包裝，因為不能再要求人家，不過我是自用所以無所謂。

SAFARI BEDDING SET X 2：一套是幫澄買的，一套是我的，大家奇怪我明明有兩套HUG ME BEAR為何又多一套﹖因為澄太好了，幫我要了一套HUG ME BEAR，令我可以買過另一套不同的。

香港COUNTER $2450，現在只要$13XX

另一套HUG ME BEAR：

SNOWSUIT X 2，一套是幫澄買的PURELOVE，一套是我的SAFARI。LITTLE L冬天出世，這件衫仔相信合用，好鍾意。

香港COUNTER $6XX，現在只要$30X

這對羊仔鞋係英國官網一見傾心，有D貴，但香港COUNTER無賣，立刻訂。

$13X

MUSICAL MOBILE，特價款，香港COUNTER $6XX，現在只要$3XX。

這套見平平地就買，香港COUNTER $3XX，現在只要$1XX，幾抵。


BEAR BEAR不是我的，我堅持不買玩具給LITTLE L，是送給好朋友PRISCILLA的小寶寶。

全部價錢只是香港的半價，當然，要有朋友免費帶回來，才可以省卻高昂的國

際運費。如果你有親人或朋友在英國，真的可以考慮一下。

搬家了

舊的YAHOO BLOG將要倒閉，先搬來這裡，暫時會開放，但貫徹一向低調的作風，稍後或會上鎖，所以各位朋友們，請讓我先ADD你們，以防走失了。

另外，FACEBOOK繼續 SHARE 手作，公開的，請繼續支持。
AS A DEER (Wedding Stationery)