這個21M真的很「充實」，去了沖繩、跟爸爸媽媽BUFFET慶祝生日、也嚐了2次HIGHTEA(遲些補記)，更大件事是又再入醫院......
5/9晚：從娘家回家，抱他上床睡覺，忽然一陣臭味，原來BOOBOO，我也奇怪點解臨睡前BOOBOO，不過見佢無咩野，換了片便跟他睡覺。
6/9：4次BOOBOO，因為LITTLE L一直腸胃都「好好」，有時一日3、4次，所以我們都無咩留意到有咩特別，只是有少少水BOOBOO。
7/9：因為BABA不在香港，我返工時99打電話給我(她平時有事通常先打俾個仔，哈哈)說LITTLE L屙了6次，不過無發燒，唔肯飲水，我的心一沉，有點擔心，著99留意情況，放工便回家。BABA當晚回香港已經11點，LITTLE L開始微燒，那時開始好擔心，去年入院的經歷立刻浮現腦袋，有諗過要不要入院，但見他又不是燒得厲害，而且晚上已無再屙，所以食了仁安之前俾的退燒藥便等明天再睇醫生。
8/9：唔肯飲水。去到睇醫生，已經38.5度>.<，但又無再屙，又無其他病徵，醫生估計腸胃病毒，開了幾種退燒藥和抗生素(>.<)，如果仲高燒就入院。BABA當天又出差。
9/9：反反覆覆食退燒藥就退燒，一陣又燒番，可能食住退燒藥和抗生素，無再屙，繼續唔肯飲水。我下午請了假，因為燒到39度以上，所以塞了藥，之後退晒燒，仲係平台和朋友仔跑步和踼波，好開心，我真的以為他無事。夜晚臨睡前再塞多次，衷心期望他第二朝無事。點知成晚都好燒，佢直情燒到自己除衫(>.<)，但又打冷震，我得自己一個睇住佢，成晚無瞓，好驚，佢又唔肯飲水，勉強俾果汁佢，頂到5點幾，CALL埋9962，執齊野準備入院。
10/9-13/9：又重臨仁安(>.<)，去到無咩人，立刻有得睇，已經39.5度，講晒情況醫生聽，醫生建議留院，我其實預左，因為我怕又係沙門氏菌......
因為腸胃問題，又住隔離病房，都好，自己一個一間房無人騷擾。主診醫生睇左佢，覺得燒得咁高，之前又有肚屙，估計也是腸胃病毒，所以繼續打抗生素和幫佢退燒，住了4日3夜，最後驗左20幾種病毒，無一種中，所以最後都不清楚是甚麼病毒造成，在醫院一直反反覆覆，發下燒又屙下，但今次無屙得好勁，PATPAT無咩事，不過，今次不知為何不肯飲水，咀唇爆晒血(>.<)。BABA提前結束公幹回來香港，我先好D，因為我中間都出出入入醫院和要返公司開會，好彩醫院近公司。最後，LITTLE L終於到12/9才退燒，13/9才可以出院。至於原因，更是諗唔明，我們出街還是帶「自家飯」，好少食街上東東，就算跟我們去食BUFFET，佢都無食，有諗過係咪關沖繩之旅事，但三個醫生話十幾日前，一定無關，我都安心D。
今次大個仔，不再任你舞，也不肯飲水不肯食藥，其實真的很辛苦，醫生已經講明，不肯飲水，俾果汁又好、奶又好，咩都好，醫好先算，我們咩都試，佢後來連奶都唔肯飲，只係勉強飲少少果汁。不過，見佢辛苦，我覺得佢算係咁啦，除左扭下返屋企，都好合作，手上這個東東，佢都好自然咁接受左佢，4日3夜玩下車仔和串珠仔、聽下歌、睇下書、醫院平台睇下龜、在房門口睇下街上的車就過左。
回家後，不知甚麼原因，開始咳和流鼻水，而且過了2日，又再發燒!!唉，佢一直不肯飲水，食藥效力減半。過左幾日，佢連講野都講唔到，夜晚又咳到嘔......我們又再去診所睇醫生，今次是氣管喉嚨和鼻腔發炎，可能是身體太弱故染病。一直反反覆覆，睇左兩次醫生，食了很多藥......
LITTLE L這次生病一直好抗拒飲水，後來BABA聽同事講，試下寶礦力，因為佢D仔女細個都試過發燒不肯飲水，都係靠寶礦力，佢甚至話「如果再攪唔掂，可樂都要俾架啦，唔理得咁多」，LITTLE L飲寶礦力叫做好DD，但都唔係肯主動飲，這幾日，全靠這個HYSTERIC MINI飲筒，之前一直覺得佢「唔知有咩用」，我現在當佢係寶!!
一直病到今日，前前後後3星期，都仲有少少未清，應該接近尾聲，之後要好好調理番身體。媽媽無欲無求，只希望你健康、快樂!
5/9晚：從娘家回家，抱他上床睡覺，忽然一陣臭味，原來BOOBOO，我也奇怪點解臨睡前BOOBOO，不過見佢無咩野，換了片便跟他睡覺。
6/9：4次BOOBOO，因為LITTLE L一直腸胃都「好好」，有時一日3、4次，所以我們都無咩留意到有咩特別，只是有少少水BOOBOO。
7/9：因為BABA不在香港，我返工時99打電話給我(她平時有事通常先打俾個仔，哈哈)說LITTLE L屙了6次，不過無發燒，唔肯飲水，我的心一沉，有點擔心，著99留意情況，放工便回家。BABA當晚回香港已經11點，LITTLE L開始微燒，那時開始好擔心，去年入院的經歷立刻浮現腦袋，有諗過要不要入院，但見他又不是燒得厲害，而且晚上已無再屙，所以食了仁安之前俾的退燒藥便等明天再睇醫生。
8/9：唔肯飲水。去到睇醫生，已經38.5度>.<，但又無再屙，又無其他病徵，醫生估計腸胃病毒，開了幾種退燒藥和抗生素(>.<)，如果仲高燒就入院。BABA當天又出差。
9/9：反反覆覆食退燒藥就退燒，一陣又燒番，可能食住退燒藥和抗生素，無再屙，繼續唔肯飲水。我下午請了假，因為燒到39度以上，所以塞了藥，之後退晒燒，仲係平台和朋友仔跑步和踼波，好開心，我真的以為他無事。夜晚臨睡前再塞多次，衷心期望他第二朝無事。點知成晚都好燒，佢直情燒到自己除衫(>.<)，但又打冷震，我得自己一個睇住佢，成晚無瞓，好驚，佢又唔肯飲水，勉強俾果汁佢，頂到5點幾，CALL埋9962，執齊野準備入院。
10/9-13/9：又重臨仁安(>.<)，去到無咩人，立刻有得睇，已經39.5度，講晒情況醫生聽，醫生建議留院，我其實預左，因為我怕又係沙門氏菌......
因為腸胃問題，又住隔離病房，都好，自己一個一間房無人騷擾。主診醫生睇左佢，覺得燒得咁高，之前又有肚屙，估計也是腸胃病毒，所以繼續打抗生素和幫佢退燒，住了4日3夜，最後驗左20幾種病毒，無一種中，所以最後都不清楚是甚麼病毒造成，在醫院一直反反覆覆，發下燒又屙下，但今次無屙得好勁，PATPAT無咩事，不過，今次不知為何不肯飲水，咀唇爆晒血(>.<)。BABA提前結束公幹回來香港，我先好D，因為我中間都出出入入醫院和要返公司開會，好彩醫院近公司。最後，LITTLE L終於到12/9才退燒，13/9才可以出院。至於原因，更是諗唔明，我們出街還是帶「自家飯」，好少食街上東東，就算跟我們去食BUFFET，佢都無食，有諗過係咪關沖繩之旅事，但三個醫生話十幾日前，一定無關，我都安心D。
今次大個仔，不再任你舞，也不肯飲水不肯食藥，其實真的很辛苦，醫生已經講明，不肯飲水，俾果汁又好、奶又好，咩都好，醫好先算，我們咩都試，佢後來連奶都唔肯飲，只係勉強飲少少果汁。不過，見佢辛苦，我覺得佢算係咁啦，除左扭下返屋企，都好合作，手上這個東東，佢都好自然咁接受左佢，4日3夜玩下車仔和串珠仔、聽下歌、睇下書、醫院平台睇下龜、在房門口睇下街上的車就過左。
好彩有車車......
玩到無野好玩，同媽媽玩針筒吸水，笑到傻左先見佢有D笑容......
媽媽三更半夜瞓唔著，KO左本英文書>.<
回家後，不知甚麼原因，開始咳和流鼻水，而且過了2日，又再發燒!!唉，佢一直不肯飲水，食藥效力減半。過左幾日，佢連講野都講唔到，夜晚又咳到嘔......我們又再去診所睇醫生，今次是氣管喉嚨和鼻腔發炎，可能是身體太弱故染病。一直反反覆覆，睇左兩次醫生，食了很多藥......
LITTLE L這次生病一直好抗拒飲水，後來BABA聽同事講，試下寶礦力，因為佢D仔女細個都試過發燒不肯飲水，都係靠寶礦力，佢甚至話「如果再攪唔掂，可樂都要俾架啦，唔理得咁多」，LITTLE L飲寶礦力叫做好DD，但都唔係肯主動飲，這幾日，全靠這個HYSTERIC MINI飲筒，之前一直覺得佢「唔知有咩用」，我現在當佢係寶!!
一直病到今日，前前後後3星期，都仲有少少未清，應該接近尾聲，之後要好好調理番身體。媽媽無欲無求，只希望你健康、快樂!
