新加坡親子遊

LITTLE L學校收十個月學費，即係返埋六月尾放暑假，真令人喜歡。於是，我們一家三口加埋6299便趁未開始加價，即刻來個旅行，今次目的地是新加坡。

準備篇

酒店：Dorsett Singapore Hotel

本來想住聖陶沙，但即使不是最旺季都覺得不便宜，本來諗住近沙灘近海洋館又近環球影城，不過我們後來決定不去環球影城；而且我們要BOOK 2間房，所以太貴都不考慮，結果選了市中心附近的Dorsett Singapore Hotel，貪其方便，在CHINATOWN附近，地鐵站一出就係，本來以為有相連房，原來只不過是打開兩間房中間的門俾你，誤會晒。雖然酒店房唔大，但整體OK，最緊要係方便又有WIFI (聽講聖陶沙好多酒店不連WIFI)，同埋有個免費電話俾你用，出街有咩事可以免費打本地電話。

 

酒店設計都有特色，相機鍵是門鐘：

PORTABLE POTTY

因為戒左片，去旅行都真係驚驚地，因為唔係周圍有廁所，所以我出發前買左3個可摺埋的PORTABLE POTTY，只是咭紙做睇落好兒戲，但寫明承重50磅，暫時一個都未用過，所以不知實際效果。

網上圖片：

 

食水和食物

今次一如以往，都有在機場帶水過新加坡俾LITTLE L飲和沖奶。不過已經大個仔，所以食物一樣全部跟我們吃了，我好HEA，又係無再帶個象印壼。

DAY 1: 機場>酒店>PLAZA SINGAPURA

機程約3.5小時，比去沖繩耐，早機去不是瞓覺時間，當然要俾D野LITTLE L做，有書睇有車仔玩有埋電視，加上佢好鍾意食飛機餐，基本上好乖咁過左成程機。佢唔肯著片，我們其實好驚，3.5小時喎，中間同佢去WEEWEE，但佢話好驚因為飛機始終震震下。

 

機程好順利，比原來時間還早到，到埗立刻根據網友教路，在機場買張電話咭連上網。之後貪方便BOOK架的士去酒店，因為4大1小加3個喼，所以好守規則BOOK了架大的士，都唔平，後來司機叔叔話其實可以坐普通的士都OK，而且我們路程好短，酒店就在地鐵站出口，這個價錢唔抵，後來睇地鐵圖，原來搭地鐵都相當方便，所以回程就選擇地鐵。

酒店放低野，本來無行程 (我今次真係勁HEA : P)，但時間尚早，於是出發去最近的商場PLAZA SINGAPURA，諗住推車仔LITTLE L可以小睡片刻。

PLAZA SINGAPURA基本上是我的天地，哈哈，有GREENGATE有SPOTLIGHT，不過一家大細，我都唔算行得好暢快，想當年2人世界來新加坡，我在SPOTLIGHT不知逛了多久，而今次居然一點收穫都沒有，可能已戒毒(:P)，也因為時間太短了。在小小的GREENGATE買了2個優雅的雪糕杯和一排夾，其他沒有特價就算了。

 

左邊個MACAROON 玻璃樽係CANDY DELICIOUS 買，太得意忍唔住。

FOOD COURT是新加坡的飲食文化之一，所以第一晚就在PLAZA SINGAPURA的FOOD COURT食了晚飯，我當然點了海南雞飯啦。

DAY 2: CHINATOWN天宇旅行社>聖陶沙海洋館>VIVO CITY>榴槤一條街>克拉碼頭夜遊船>松發肉骨茶

網友教路，買門票訂本地團不得不去CHINATOWN天宇旅行社，吃完早餐就去天宇旅行社，買齊咁多日的門票，坦白講，新加坡的門票錢很貴，我們已經沒有去環球影城，但都佔了整個行程的一半駛費，差點攪到後面幾日不夠錢用，哈哈。

搭單軌列車入聖陶沙海洋館，新加坡的海洋館譽為全球最大的海洋館，我們覺得沖繩的海洋館已很厲害，所以對新加坡的海洋館充滿憧憬，結果是非。常。失。望! 新加坡的海洋館應該大過沖繩，亦明顯很用心有不少海洋知識，例如有隻很大的挪亞方舟，又有很多不同國家的海洋歷史，不過海洋館內的陳設和佈置，就不及沖繩的令人震撼和難忘了。再加上，我們兩日後去了RIVER SAFARI，就更覺得這裡令人大失所望。我們的結論是：你要是去過沖繩的海洋館，又或打算去RIVER SAFARI，那就可以省卻不用去海洋館了。

 

聖陶沙有間最大的CANDY DELICIOUS ：

離開海洋館食個LUNCH，本來打算在聖陶沙的沙灘玩一會，怎料日正當午，完全不適合在沙灘玩，只好離開，在VIVO CITY逛了一會，讓LITTLE L可以在冷氣地方舒服的睡午覺。

之後回酒店放下BB車，就往榴槤一條街，BABA一家三口榴槤FANS，當然相當興奮，不過榴槤一條街不是想像中易找，亦不是很密集那種市集全部賣榴槤，所以搵左好耐，最後試了兩間，不過6299話好普通喎!

 

 

買了遊船的票，在克拉碼頭上船，如果以前2人來玩，一定不會參與這些「遊客活動」，不過有老有幼，這種活動其實挺好，不用辛苦。我發覺LITTLE L應該都幾鍾意，因為回香港之後，他都不時提起「克拉碼頭」，成日話自己去遊船見到魚尾獅，好攪笑。

 

松發肉骨茶就在克拉碼頭旁，好像還是總店。松發的肉骨茶真的好吃，之後去過其他食肆，都不能媲美。

 

DAY 3: SINGAPORE FLYER>LEGOLAND

晨早出發往SINGAPORE FLYER，原因是在天宇買LEGOLAND門票，再JOIN埋搭旅遊巴，否則又要麻煩去搵包車服務，在SINGAPORE FLYER底上車，到此一遊算玩了:P。

 

往LEGOLAND的車程，見單張話預2小時，以為好遠，實情是車程不多於45MINS，但在星加坡的海關過境足足等了1小時有多，那種效率是慢到令人無法接受。結果都要差不多3小時到LEGOLAND，回程也是差不多3小時，反而馬來西亞的海關好正常，只是5MINS，你看差別多大。

當初在環球影城與LEGOLAND之間2選1，覺得LEGOLAND應該比較適合細少少的LITTLE L，結果都算無選錯，雖然LEGOLAND入面都係好多遊戲未玩得，不過佢淨睇下園內四處D LEGO公仔都開心到暈，男孩子必去，唯一係太熱，比較辛苦。

 

旁邊有間LEGO酒店，不過好多網友話不值得住，而且後來先知LEGOLAND附近地區治安唔好，我們唔知就唔識驚，好彩只係遊完LEGOLAND就走。另外，諗住LEGOLAND可能有D特別版LEGO買下，點知全部都係香港玩具反斗城有的，所以LITTLE L空手而回。我買左個雪條模$80，返香港見代購賣$200以上，覺得抵晒，哈哈。

 

LEGO酒店：

 

網上圖片：

 

DAY 4: CHINATOWN亞坤>新加坡動物園>RIVER SAFARI>文華酒店CHATTERBOX海南雞飯

BABA好鍾意食咖央多，見旅遊書話亞坤祖店在CHINATOWN，所以依住指示前往尋找，點知搬左，又依門口指示再搵，終於找到。而亞坤的咖央多和奶茶，又的確比其他好食少少。

 

當年去新加坡是夜遊動物園，不過印象中咩都睇唔到，因為太黑，哈哈。加上動物園位處的地方不算方便，回酒店很夜，所以今次一家大細就遊日間的新加坡動物園，再遊埋隔離個RIVER SAFARI。帶埋小朋友，動物園相當值得去，天宇的門票還包了兩個園內要額外收費的車和船票和一餐LUNCH，都算唔錯。

 

夜晚本來想食海鮮，不過身上現鈔不多，不肯定那些大排檔形式的海鮮檔是否收咭，又想食好D，所以去了文華酒店CHATTERBOX食傳說中新加坡最貴的海南雞飯。6299和我點了海南雞飯，BABA則點了喇沙，LITTLE L點了兒童餐，味道的確不錯。

 

DAY 5: 酒店泳池>CHINATOWN買手信>機場

酒店細細地，但都想去泳池玩下，市中心酒店的泳池的確不能和聖陶沙的酒店相比。玩了一陣水，居然一陣過雲大雨，立刻回房沖涼更衣。

 

SHOW下我頂靚帽：

 

然後去CHINATOWN買手信，當然少不了胡振隆和林志源的肉乾、馮滿記的「千里追風油」。個人認為林志源的肉乾好食D，但BABA則支持胡振隆的肉乾。

 

回程飛機遲了半小時起飛，LITTLE L午睡時間，起飛即瞓，瞓了差不多2小時，食埋個飛機餐，睇一陣電視剛好落機，非常乖!

後記：

其實新加坡好熱，不過都算方便和乾淨，又多適合小朋友的景點，我們還有很多景點未去，算是適合親子遊的地點。我們算幾好彩，除了最後一日早上有場過雲雨，日日天朗氣清，之後回來睇番網友講，後來幾個星期都差不多日日暴雨，非常掃興，我們非常感恩出門都有好天氣。

 

2歲半小總結

已經2.5歲，媽媽最近愛烘焙，整左個靚靚蛋糕俾LITTLE L，賣相很靚架，不過始終都係甜，只俾左少少佢食。

 身高體重

無度身高，學校5月初度過91CM，而家估計93CM左右，體重估計大約28磅，因為5月病左一輪，重得慢左。

返學頭幾個月真係成日病，都唔知關唔關返學事，不過踏入六月就好D，六月返足成個月學，終於覺得D學費抵D。

 

語言發展

我暫時沒有太擔心他的語言能力，最近還覺得他「口水多過茶」，哈哈。班主任話佢語言發展不錯，句子表達進展很不俗，不過只限中文，外籍班主任雖然都讚佢好大進步，不過話佢始終唔敢用英文表達自己。都係果句，佢一向講開廣東話，好難迫佢講英文，而我的方針一向都係學好母語才發展其他語言不遲，就由得佢。

最近跟幾個教英文的舊同事講開，他們都同意先學好母語，同時不要忽略英文，現階段8:2比例最適合。

肢體發展

因為學校偏細，估計活動空間不大，這是學校的唯一缺點。故此，99每天放學後都會帶他到平台跑跑跳跳、踢波踏單車等，基本上都似一般男仔，好鍾意跑跑跳跳，學校有課外收費的田徑班、游泳班可參加，不過年齡未夠沒有報名，打算明年才讓他正式學游水。

班主任有同我傾過，覺得LITTLE L大肌肉比小肌肉發展得好D，睇番D課堂習作就睇得出，班主任建議我們加強訓練他的小手肌肉，我懶，沒有特別研究，雖然九月升K1，但我唔排除今年再報心儀學校的K1，明年都有機會做大B，所以唔急住訓練他的手仔要佢寫字。

 

佢好鍾意執筆畫野：

 

LITTLE L開始用學習筷子幾個月，進度算理想，不過唔知係咪小手肌未夠靈活，未能做到V字手勢，佢個V字手勢係好攪笑。

情感個性

越大越怕陌生，開始覺得佢份人內向謹慎，在外表現很文靜，在家當然係另一個樣啦。

班主任讚佢好受教，話佢之後佢一定聽話。暫時我都同意，雖然TROUBLE 2有時的確令你好火，不過，這個寶寶都算話得聽，暫時唔算惡教(唔好小器)。有次唔知做錯咩俾我罰無得睇THOMAS，佢都唔會扭，知衰地在自己睇書。

情感開始豐富，開始有同理心，同佢講白雪公主講到公主食毒蘋果死左，佢會跟住流淚喊。另外，性格都算爽快，話完罰完、朋友仔搶佢野等唔會記仇，好快FRIEND番。

生活習慣

作息定時，即使不用返學都仍然7點多起床，另外，下午還是需要午睡，好彩九月原校升K1都係上午班。

之前提及已戒片，一切都順利，全天候不用著片了。有時見佢夜晚飲得多水，我們就迫佢著片瞓，不過佢有時都唔肯。

佢知道瞓前一定要刷牙，每晚一定會提我們，但依靠我幫佢刷牙，唔多願自己動手，好奇怪。

 

好似好大個啦：

 對水鞋我係日本樂天訂，係咪好靚呢﹖

Thomas and his friend

29個月成長日誌

BB睇中醫
今個月無停咁病和睇醫生，其實起始只是傷風咳+痰+少少鼻水，但一直咳唔停，前前後後成個月，西醫睇左3次，中醫睇左2次，係，我們同佢睇過中醫，好多朋友聽到都好大反應，一係覺得睇中醫信唔過、一係覺得D藥好苦BB唔肯食。

開頭係睇西醫，食左2次抗生素，我實在很反感，最大問題係好唔番，諗諗下自己如果咳，一定睇中醫或湯水療法，從來未試過西醫攪得掂，再加上抗生素我覺得仲毒過D中藥。於是搏一搏，有明顯好轉，不過最衰係BABA無端端又病，惹番佢……另外，LITTLE L堅勁，應該唔係好怕苦，氹下佢係可以食晒D中藥。

終於，去到五月尾，LITTLE L先正式好番晒，唉……

戒片

基本上已成功戒片了，上個月提及學校幫忙，我們在家配合，今個月已經可以全天候不用著片了，自己WEE和POO，包括瞓覺和出街，佢都唔肯著，我們還將家中的三包MERRIES 大碼存貨賣了給他的朋友仔，哈哈。不過，都有試過失手，主要是瞓覺，這個月係咁病，臨瞓前食藥飲水，有試過瞓覺尿濕張床，好彩有張床墊。

成件事比想像中容易，都係果句，感謝學校幫忙。

是日走水貨，將D尿片賣俾人，哈哈。

對比概念

某一日我發現，LITTLE L都識/了解好多對比概念，凍冰冰VS熱辣辣、多VS少、大VS細、內VS外(這個學校教，因為見到佢係學校的工作紙)、長(頭髮)VS短(頭髮)、高VS矮、肥VS瘦、上VS下、光VS黑、濕VS乾、餓VS飽等，我記得咁多。

瘋狂愛上THOMAS

這一日終於來臨……現在甚麼都是THOMAS，我之前幫佢用心打造的不同形象全部無影，而家D出街衫、鞋、底衫等，唔係車仔就係THOMAS……-.-

我將BB時個米袋改裝成攬枕，哈哈。

 

學校活動

學校旅行日，目的地是元朗有機農莊，天氣悶熱，但玩得好開心。

學校開放日，邀請學生回去表演，不過LITTLE L病足成個星期，臨表演前一日都病假無返，當然無綵排過，但學校都無話唔俾佢表演，結果表演當日當然成舊飯唔知做咩，好攪笑。而學校的開放日，亦令我覺得好有人性，個個小朋友都玩得好開心。

 

不知是不是TROUBLE 2進階，最近返學無之前咁乖，每日係學校門口一定扭，死抱住我唔放，要老師抱上課室，同班主任傾過幾次，佢上到課室即刻無事，正確D講係上樓梯轉角已經收聲，好明顯係喊俾我睇……-.- 而就我們觀察，他在學校應該無發生咩事，估計只是鬧情緒，有無媽媽有相似經驗可以分享﹖

 

 

BABA堅持他在音樂中成長，所以返了N班還有繼續上PLAYGROUP，又一期畢業了。

 

我的手作世界及 500 LIKES 小小送禮

成日都講LITTLE L，甚少談及我的興趣：手作。

其實自LITTLE L出世後，我原本的工作室已改動成他的睡房了，還有，我的時間，都圍繞着他了，我又是一名WORKING MOM，基本上，可以做手作的時間很少很少，就是深宵睡不著的時間......

做手作是興趣，也間中把新構想的美美東東送給朋友，最近迷上不凋花，材料很貴，真的花費很多 : P，不過當作興趣，是一件快樂的事。

很久很久以前，還有接單子，但現在已全面停頓了，因為實在太忙，而且也賺不了錢，純為興趣而已，會繼續SHARE，希望還有人支持，哈哈。

零宣傳終於有500個LIKES，當然很少，不過我已很開心，預備了一份少少心意，送給喜歡手作的朋友，大家可以去支持下。

AS A DEER CRAFTS

27及28個月成長日誌

第一次失手，要2篇一齊寫，希望之後唔好: P

身高體重
學校又幫佢度高磅重，90CM和28.5磅，就快要買小童車票了>.<

出牙
下排2隻大牙出齊，上排唔覺，而且無流口水，可能暫時未出。

語言能力
放完新年假，老師打電話來同我傾左幾次，話佢過完年成個人好多野講，之前以為佢未識講野(>.<)，我估佢開始熟習學校環境，而的確，佢現在以句子表達的能力高了很多，已經好能表達自己了，連無聊的語句都講到，例如爸爸教佢一次：「稱尋磨交叉燒包，老鼠唔食漢堡包」，佢已經即刻識講了，現在仲成日跟我們玩包剪泵。

另一驚喜是英文進步好大，這完全歸功於學校，我們一家一向以廣東話溝通，亦沒有刻意教英文，新年前的家長日，外籍班主任話佢上堂唔講野，無計啦，佢都唔識講英文，哈哈。不過，又係新年後，外籍班主任話佢上堂識講野，其實我也好有興趣聽佢講英文，因為我真係未聽過:P 多謝學校，這間學校真的好好，愉快學習，但無知不覺間學識好多野，現在佢識MONDAY 到 SUNDAY、 ONE到 TEN、不同顏色、動物、眼耳口鼻和身體不同部分的英文等，識唱成首英文歌，三月份的INTERVIEW遇到外籍老師見佢都聽得明。或者好多BB英文都好叻，不過LITTLE L一向講和聽都係廣東話，所以我覺得佢好大進步。

戒片
學校新年前主動提出幫佢戒片，話佢係學校好READY，成為班上第一批戒片的先頭部隊，就住這件事，同班同學媽媽WHATSAPP GROUP討論過，結論係不可以一齊戒，因為一齊瀨好大鑊……笑死!

學校教得好好，話佢好叻，係學校戒左一個月左右，打電話俾我話放學都唔會再幫佢著番片，我們非常驚慌(如果搭車急點算好先﹖)，因為我們仲懶懶閒，諗住熱D先在家開始，既然迫到埋身，所以都開始在家配合，因為有學校的協助，成件事比想像中容易D，現在進度良好，只係出耐D街和瞓覺迫佢著，其餘時間佢都自己叫WEEWEE和POOPOO了。

飲食
出沖繩前同幾個1213 BB聚會，見到2個朋友仔開始用筷子，我們在沖繩見到THOMAS筷子就買俾佢，可能D學習筷子幾易用，佢現在出街跟我們食都會用下筷子，不過在家99嫌佢用筷子慢>.<，反而唔俾佢用。

老師打過來讚佢食野好快，唔偏食，學校提供的小食以健康麵包餅乾為主，話佢連D好多小朋友都吐番出來的五穀包都食清光……WELL，我其實唔知點回應，因為真係幾好笑，佢太為食。

學校生活
好開心愉快，佢好明顯鍾意返學，不時唱歌，也會提下學校的同學叫咩名。學校新開，感覺是愉快學習的路線，也會不時主動跟家長聯絡，講下小朋友在學校的情況，有時我的同事聽到我和班主任講電話，都覺得學校有心。

能夠愉快地成長，學校也注重自理和閱讀，語言環境又不錯，當日無心插柳插班N，相信我好大機會讓他在此繼續升K，一心想讓他做大B的我，其他種種原因，加上學校令我好有信心，我應該會讓LITTLE L九月升K1。: ]

他能健康快樂地成長，不正是我一直的心願嗎﹖

你睇佢拆利是個樣都認真過人，唔知思考緊咩咁。

最近愛上拼圖，已經可以自己砌了，有時仲要唔俾你幫手，拼圖有助訓練專注力，不錯。

一家十幾口一齊去左迪士尼，不過那天天氣不好，無咩影相，佢同表哥玩得好開心。

全文無提TROUBLE 2，哈哈，唯有以圖為證有幾TROUBLE：

HAPPY 28M，媽媽整左羊架俾你食，你睇佢幾為食，大啖大啖咬：

第二次遊沖繩

成長日誌第一次失手，甩左一篇，下個月一齊寫番......

記番一家三口突如其來再遊沖繩之旅。

機票：
這是一次突如其來的沖繩之旅，原因是我二月初收到信要做陪審團，我們三月尾一向有外遊慶祝結婚周年的習慣，這封陪審團信打亂了計劃，一直不敢買機票，直到出庭前一日才通知不用出庭，不過許多地方機票已無位，有也很貴，所以本來打消外遊念頭，點知星期一晨早流流瞓唔著CHECK 下ASIA MILES，居然沖繩有機位放出來，還要出奇地用正常分數可換，夾到2日紅假，請左2日，玩左4日，第一次無咩PLAN，星期一換齊3張機票，星期日就出發了。

酒店：
太遲才訂，選擇很少，不過好彩是淡季，比起上次暑假尾遊沖繩，酒店平一半有多。

1. VESSEL HOTEL：一如上一次，所有酒店都選方便的，VESSEL在美國村，非常方便，可惜訂時只有SMOKING ROOM，心諗日本的SMOKING ROOM 應該不會太差吧! 這樣便出事了，入到房煙味極重，房內附空氣清新機，但感覺比大陸酒店還差，如果只是我們兩個都無咁大問題，加埋LITTLE L便大件事，當時酒店說無其他NON SMOKING ROOM可換，加上酒店範圍有擴建工程，晨早流流六點幾已開工，好辛苦捱左一晚，第二朝再請司機叔叔幫手用日文再問，答案一樣，連俾錢UPGRADE去好D的房都無，因為要住多晚，BABA忍不住執晒行李話要走......我唯有硬住頭皮搵EXPEDIA幫手，因為我係EXPEDIA訂的，雖然那時明知自己就咁走係無得退錢，但都問下啦! 結果攪左一大輪，退番2成，算係好好彩，而又好彩間房唔係好貴。

2. DAIICHI HOTEL：這是司機叔叔介紹的，打了電話去有房，地點不太方便，不過勝在環境幾好，好乾淨，全部都是NON SMOKING ROOM。酒店好似有日式房，我們咁遲訂當然無啦。

3. MOON BEACH HOTEL：因為在琉球之牛旁邊，上次提過，BABA愛上琉球之牛，今次點都要住附近，M字那間酒店淡季都貴，所以選了MOON BEACH，也是SMOKING ROOM，但情況好好多，因為酒店話將會全面翻新，全部房都轉NON SMOKING，現在幾近完成，入到房的確似NON SMOKING。酒店內部有些舊，如果翻新左應該靚好多。酒店有私人沙灘，天氣涼無落水，係沙灘玩左一陣。

包車司機：
當然跟上次一樣找朱先生，好好彩咁遲才聯絡他剛好有期，我知好多朋友想知他CONTACT，他學識玩FACEBOOK，可以直接聯絡他：OKINAWA CHU SAN

食水和食物：
今次都有在機場帶水過沖繩俾LITTLE L飲和沖奶。不過已經大個仔，所以食物全部跟我們吃了，我好HEA，連象印個壼都無帶過去。

行程：
今次無咩PLAN，而且去過一次，以HEA遊為主，純為放假，哈哈。

第一日：機場>那霸市>美國村VESSEL HOTEL
航班沒有DELAY，也比暑假尾那次早了，所以早了個多小時到沖繩，我想買V仔機的模，所以朱先生車我們去那霸市的DEPARTMENT STORE行了一會。

V仔機其實在日本抵買，不過要拖火牛，我打算回香港訂，所以只TARGET V模，V模唔算好平，只是平少少，BABA話反正有用就買，買到6款，開心帶回香港，落機幾日，香港可以預訂粉紅色V機，我開心到暈，即刻訂了粉紅色。

第二日：轉DAIICHI HOTEL>蒲添大公園>AEON RYCOM MALL>美國村AEON MALL
一早處理轉酒店問題，已經擾攘了兩個多小時，終於攪掂都已經十二點，擺低行李就去蒲添大公園，原來是一個免費的公園，但那條長滑梯非常好玩，一家三口玩了兩次，而LITTLE L則鍾情那條短滑梯，一個人玩了十幾次，哈哈。

朱先生好細心，準備埋滑梯墊，我們不用特意買：

之後入AEON RYCOM MALL食飯，食完就在AEON RYCOM MALL逛，先陪LITTLE L玩了個多小時，等他的電放完，便到我們SHOPPING了。

收穫不算好豐富，不過狂得好開心，最意想不到的是AEON有手作部，居然有很多日本製的靚布出售，價錢好合理，我好忍手只買了5小塊，每塊不用$15。

用開的日本牌子水杯，買了替換飲管，平過香港；巧虎和超人牙刷是幫另一媽媽買的；一PACK有5條的超人底褲仔特價，唔駛$60，買回香港戒片用：

BABA買不到東西，又好想買東西，於是想去美國村的AEON MALL，此時LITTLE L醒了，發現放在手推BB車的玩具車仔不見了，我的心涼了一截，哈哈，要知那幾架玩具車是他的寶貝，我們起初周圍搵那些手推BB車，當然不會搵到，後來知道2樓近AEON有個LOST AND FOUND，居然在那裡搵得番幾架玩具車，心裡非常非常感恩，也很讚賞日本人路不拾遺的精神。

去到美國村AEON MALL已經好夜，吃了晚飯，BABA終於買到心頭好，我們也可以順利回酒店。

第三日：轉MOON BEACH HOTEL>海洋博>藥妝店>琉球之牛
先去MOON BEACH放低行李，直往水族館，因為上次LITTLE L去水族館睡著了大部分時間，所以今次我們決定再去，今次早上到達，玩的時間長了很多，又可以看海豚表演，他非常開心。

離開海洋博，朱先生途中帶我們到藥妝店，我一心想買SOFINA防曬，因為上次買的都用完，點知用開的SPF50無貨，SPF24都只剩2支，其他東東見到合用就買少少，日元貴左感覺無上次咁抵。

今次準時5:30PM到達琉球之牛，不過LITTLE L在車上未瞓醒，落車被我們吵醒，心情麻麻，起初唔肯食野，之後玩下玩下，才知好味，吃不停咀。

筷子是在AEON RYCOM MALL買的，他為了琉球之牛，第一次用筷子。

食完飯返酒店諗住睇下沙灘有無人放煙花，因為聽谷友講MOON BEACH可以放煙花，不過沙灘完全無人，我們也就回房了。

第四日：沙灘>OUTLET>機場
早上吃完早餐，在沙灘玩了一會，之後BABA SHOPPING 意慾未盡，而我也想買TEPRA的LABEL和絲帶，所以朱先生又車我們去買TEPRA LABEL，之後又去了OUTLET。

TEPRA唔知點解周圍都找不到，最後見到部機都平唔過香港9折，LABEL和絲帶好抵，不過搵了幾間都無咩貨，自己一圈，幫另外2個媽媽一人一圈，有點失望。

OUTLET一如上次的一無所獲，LC沒有我想要的紫色，哈哈。不過BABA就買到少少野，開開心心地回去。

機場驚險事是忘了把LITTLE L的BB食物剪放番寄倉行李，把麵包超人食物剪唔係買左好耐，好唔捨得，以為要在安檢處扔掉，點知職員好好人，帶我們拎番去航空公司寄倉，用左咁大個盒放一把食物剪......哈哈

後記：
我們喜歡沖繩，有少少無估到咁短時間又來一次，還是覺得那麼好玩。不過，我估短時間都未必會再重遊了，因為我真是有點掛住日本其他地方，好多年無踏足日本本土啦!